MANCHESTER UNITED jana na maofisa wa Nike katika harakati za kujindaa kutwaa Cristiano Ronaldo.

MANCHESTER UNITED jana ilikutana na maofisa wa Nike katika harakati za kujindaa kutwaa Cristiano Ronaldo.

Kurejea kwa Ronaldo Old Trafford kutawagharimu United si chini ya pauni milioni 65. Na kutamfanya aungane tena na Wayne Rooney ambaye kocha wake Alex Ferguson amesema hauzwi na ataendelea kuitumikia klabu msimu ujao.

Wawakilishi wa Nike waliruka kwenda London kuzungumzia maboresho ya mkataba wa udhamini wao kwenye jezi za Manchester United lakini ajenda kubwa ilikuwa ni jinsi gani wataisaidia United kumrejesha Ronaldo.

Nike iko na hamasa kubwa ya kuhakikisha nyota huyo wa Ureno anarejea kwenye klabu hiyo kubwa inayovaa nembo yao.

Nike wamemdhamni Ronaldo kwenye vifaa kama viatu na mavazi ya michezo, lakini wanakereka kuona anavaa jezi za Real Madrid zenye nembo ya adidas kila wiki.

Wanaamini kuwa bidhaa zao zitakuwa na nguvu zaidi iwapo Ronaldo atarejea United na kuvaa jezi zenye nembo yao.