Redd’s Miss Tanzania 2013 kuzinduliwa leo

WADAU mbalimbali leo watashuhudia uzinduzi wa shindano la Redd’s Miss Tanzania 2013 linalotarajiwa kuzinduliwa leo na kushirikisha watu mbalimbali.

Akizungumza  jana, Ofisa Habari wa Kamati ya Miss Tanzania, Hidan Rico, alisema kila kitu kiko tayari kwa uzinduzi huo uliopangwa kufanyika ukumbi wa Serena jijini.

Rico alisema kuwa, uzinduzi huo ulioandaliwa na wadhamini wakuu wa shindano hilo, Kampuni ya Bia Tanzania (TBL), kupitia kinywaji cha Redd’s, unatarajiwa kuwakutanisha wapenzi wa urembo na wadau mbalimbali, wakiwamo mawakala wanaoandaa mashindano ya kumsaka Redd’s Miss Tanzania katika hatua za awali, kanda, mikoa hadi taifa.

Aidha, Redd’s Miss Tanzania, Brigite Alfred, naye atakuwepo sambamba na warembo wengine walioshika nafasi za juu katika shindano la taifa.

“Baada ya uzinduzi huo, mawakala wote wataanza mchakato wa kuandaa mashindano katika ngazi za wilaya, mikoa, kanda na baadaye taifa,” alisema Rico.