Viongozi nchini Burundi wamethibitisha kukamatwa kwa mmoja wa watangazaji wa Televisheni moja nchini humo pamoja na watu wengine watatu siku ya Alhamis.
Waandishi wa habari wakiwa kwenye maandamano.
Msemaji wa Idara ya usalama wa taifa ya Burundi,
Telesphore Bigirimana amesema mwandishi huyo Lucien Rukevya hajawahi
kushitakiwa kwa makosa yoyote ya jinai lakini anashikiliwa kwa kuvunja
sheria za usalama wa nchi.
Msemaji huyo aliendelea kwa kusema watu wengine
watatu wanaoshikiliwa ni ni waziri wa zamani Ignace Bankamwabo na watu
wengine wawili raia wa Congo ambao wanadhaniwa kuwahi kuwa wapiganaji wa
Kundi la M23 la Jamhuri ya Kidemkrasia ya Congo.
Chama cha waandishi wa habari nchini Burundi
kimesema bwana Rukevya ni mwandishi wa tatu nchini humo kukamatwa tangu
kupitishwa kwa sheria mpya yenye utata mwanzoni mwa mwezi huu.
No comments:
Post a Comment