Wawili Simba watua mazoezi ya Yanga

KOCHA Mkuu wa Yanga, Ernie Brandts ameanza kazi ya kukinoa kikosi chake, lakini katika siku ya kwanza akawapokea nyota wawili muhimu ambao wote wanatoka katika Klabu ya Simba.
 

Brandts alitua nchini juzi akitokea Uholanzi alikokwenda kwa ajili ya mapumziko mafupi, mara baada tu ya kikosi chake kutwaa ubingwa wa Ligi Kuu Bara msimu uliopita.
Kwa sasa anaiandaa Yanga kwa ajili ya michuano ya Kombe la Kagame itakayochezwa kuanzia Juni 18, mwaka huu nchini Sudan.
 

Katika mazoezi hayo yaliyofanyika jana kwenye Uwanja wa Shule ya Sekondari Loyola iliyopo Mabibo jijini Dar, Brandts alikabidhiwa straika Shaban Kondo na beki Rajab Isihaka.
Kondo alisajiliwa na Yanga wiki hii akitokea Simba ambako aliishia kufanya mazoezi ya kujaribiwa kabla Yanga hawajamuona na kumsainisha mkataba wa miaka mitatu ‘fasta’ huku Simba wakiachwa 

wameshika vichwa wasijue la kufanya.

Kufuatia hatua hiyo, Championi Ijumaa lilimtafuta Brandts mara baada ya mazoezi hayo, ambapo licha ya kufurahishwa na uwezo wa nyota hao, aliomba apewe muda zaidi kabla ya kuwatolea tathmini sahihi.
 

“Nimewaona, ni wachezaji wazuri, leo (jana) ni siku moja tu tangu nimewaona, nafikiri nipewe muda nikae nao hata kwa wiki moja ili niweze kutoa majibu mazuri zaidi lakini kwa haraka naweza kusema ni wachezaji wazuri,” alisema Brand