JACK WOLPER STAA NAMBA MOJA BONGO

Kuna habari zimezagaa kila kona jijini Dar es Salaam kwamba Jacqueline Wolper ndiye staa wa kike aliye juu kuliko wengine kwa sasa kwa vile anawaburuza wenzake kwa kuwa na mkwanja wa kufa mtu na anamiliki nyumba na mkoko wa nguvu BMW X6!

Inasemekana baadhi ya mastaa wa kike wa Tanzania  wamekuwa wakimuonea wivu sana kiasi cha kumsema vibaya bila sababu za msingi!

“We angalia mtu kama Uwoya anathubutu kusema karogwa na Jack kisa eti kuna mtu alikosea kutaja jina lake huyo Irene badala yake akataja la Jack basi tayari anasema amemroga, ni wivu tu wanamuonea mtoto wa watu,” alisema Mariam Jumbe mkazi wa Mabibo, Dar es Salaam.

                                                                  BMW X6

Munira wa Mbezi, jijini Dar es Salaam naye alisema yake kama ifuatavyo:

“Wewe mpaka mtu anaamua kutangaza kwenye vyombo vya habari kuwa anamiliki jumba la kifahari na magari wakati si kweli unadhani mchezo? Ile yote ni kutaka kujilinganisha na Jack!  Lakini ukweli utabaki kuwa pale pale kwamba Jack Wolper anawafunika vibaya mno.”

Akiongea kupitia magazeti ya Global Publishers, Jack alisema yote yanayomkuta kwa sasa anawmachia Mungu kwani inaonesha anaonewa na kuchafuliwa kwa makusudi ili jamii imuone si binti mwenye maadili.