Diamond: Sihitaji kumshirikisha msanii yeyote

 

NGULI wa muziki wa kizazi kipya nchini, Naseeb Abdul ‘Diamond Platinum’ amebainisha hisia zake kuwa endapo akimshirikisha msanii mwingine katika kazi zake “collaboration’, anaamini hazitafanya vizuri ukilinganisha na akiimba mwenyewe.

Akizungumza na Tanzania Daima jijini Dar es Salaam juzi, Diamond alisema, kichwani kwake kuna mashairi yasiyo na idadi, ambayo kila siku yanaongeza, hivyo haoni sababu ya kumshirikisha msanii mwingine katika kazi zake.

“Mimi mwenyewe sielewi, nitakuwa nahitaji nini kwa huyo nitakaye muomba nimshirikishe, naamini nitamsumbua, maana mwisho wa siku nitaona kama ananiharibia, kiukweli najiamni sana na sitarajii kumshirikisha msanii yoyote wa bongo katika kazi yangu,” alisema.

Diamond, kwa sasa yupo kwenye mchakato wa kuandaa video ya wimbo wake unaokwenda kwa jina la 

‘Usiniumize’ ambao unafanya vizuri katika vituo mbalimbali vya redio.

Mbali na kibao hicho, Diamond alishawahi kutamba na vibao vyake kama, ‘Mawazo’, ‘Moyo wangu’, ‘Nimpende Nani’ na nyinginezo, ambazo zilimtambulisha na kufanya vizuri katika tasnia ya muziki wa kizazi kipya nchini.

Habari na Elizabeth John