Linex ashukuru ngoma yake kubamba kinoma.

MSANII wa muziki wa kizazi kipya nchini, Sunday Mangu ‘Linex’, anamshukuru Mungu kibao chake cha ‘Aifola aifola’ kinafanya vizuri kwenye tasnia ya muziki wa kizazi kipya kutokana na ujumbe ulio ndani yake.

 

Linex alisema jana kuwa huo ni wimbo wenye ujumbe mzito katika jamii na hasa kwa wanandoa, hivyo ni muhimu kwa wahusika kuusikiliza na kuufanyia kazi ili kuwa na ndoa ya amani na upendo.

“Wakati ngoma hiyo inaingia sokoni, wengi walinishangaa kwa kuiita jina hilo, lakini naona wananipa sapoti. Na wengi wao wananipongeza kwa mashairi yaliyomo kwenye ngoma hiyo,” alisema Linex.

Nyota huyo anawasihi wapenzi wa muziki wa kizazi kipya kuendelea kumpa sapoti katika kazi zake na kwamba kuna vitu vingi ambavyo ameawaandalia wakae mkao wa kula.

Mbali ya kibao hicho, Linex amewahi kutamba na vibao kadhaa kama Moyo wa Subira, Mama Halima na nyinginezo kali zilizomtambulisha kwenye muziki wa bongo fleva.