MAN UTD HAIZUILIKI, YAILAMBA MAN CITY, TEVEZ ABEBESHWA LAWAMA, MASHABIKI WAMPIGA RIO.

Manchester United wanakuwa mbele kwa pointi 6 safi baada ya ushindi mtamu wa 3-2 dhidi ya mahasimu wao wakubwa, Manchester City kwenye mchezo mkali wa ligi kuu ya Uingereza.

Robin Van Persie muuaji wa bao la ushindi

Katika mchezo huo uliomalizika hivi punde kwenye uwanja wa Etihad, Manchestert United walikwenda mapumziko wakiwa na mabao wawili yaliyofungwa na Wyane Rooney.

Manchester City walimpoteza mapema beki wao tegemezi Vicent Kompany aliyeumia na nafasi yake kuchukuliwa na Kolo Toure.

Kipindi cha pili upepo uligeuka, Manchester City wakaanzisha mashambulizi makali na kuzawasisha magoli yote mawili kupitia kwa Yahaya Toure na Zabaleta katika dakika za 60 na 86.

Rooney na wenzake wakishangilia bao la pili la United

Ilionekana kama vile Manchester United wanaelekea kupoteza mchezo huo, Tevez aliyeingia kipindi cha pili, David Silva na Samir Nasri waliisumbua ngome ya United ambayo nayo ilimpoteza beki wake John Evans aliyeumia na kumpisha Smalling.

Katika dakika za majeruhi (92) Robin Van Persie akafanya kile alichoagizwa mapema na Wyne Rooney kwa kufunga bao safi la mpira wa adhabu.

Mapema kabla ya pambano la leo, Wyane Rooney alimtaka Van Persie awaonyeshe Manchester City kile wanachokikosa kutoka kwake baada ya kushindwa kumsajili kabla ya msimu kuanza.

Hata hivyo msalaba wa lawama unakwenda moja kwa moja kwa Carlos Teves, kwanza kwa kusababisha faulo, pili kwa kushindwa kujipanga vizuri.

Teves alimkata nje kidogo ya box Raphael na kusababisha faulo iliyozaa goli na alikuwa na bahati kwa kutoonyeshwa kadi nyekundu kwani tayari alikuwa na kadi ya njano.

Wakati mpira wa adhabu unapigwa, Teves aliondoka sehemu aliyokuwa ameweka ukuta na kwenda kumlinda Rooney nje kabisa ya eneo la hatari.

Yahaya Toure akiifungia City bao la kwanza

Vincent Kompan akitoka na kumpisha Kolo Toure

Van Persie akautumia mwanya huo huo kwa kupitisha mpira pale alipokuwa amesimama Teves, mpira ukaenda kugonga mwamba na kujaa wavuni.

Wachambuzi wa soka wanasema kama Teves angesimama pale pale alipokuwa amesimama pengine hadithi ingekuwa nyingine.

Katika mchezo huo kila timu ilinyimwa penalti moja ya wazi.

Kwa ushindi huo, Manchester United imefanikiwa kuvifunga vigogo vyote vya ligi kuu ya England: Liverpool, Chelsea na Arsenal.

Katika hatua ya kusikitisha mashabiki wa Manchester City walimpiga usoni na kitu kisichojulikana beki wa United, Rio Ferdinand wakati akishangilia na wenzake bao la 3.

Rio Ferdinand alivuja damu nyingi usoni na kusababisha mpira kusimama kwa muda. Hata hivyo Rio alijitahidi na kumalizia sekunde chache za mchezo ziliokuwa zimesalia.CHANZO CHA HABARI NI SALUTI5