MASHUJAA BAND WAPANIA KUJA KIVINGINE, WAJIANDAA KUFANYA USAJILI WA KISHINDO

WAZEE wa Kibega, Mashujaa Band wamepania kuja kivingine kwa mwaka huu wa 2013 ili kupiga hatua moja mbele kutoka pale walipo.

Meneja wa bendi hiyo, Martin Sospeter, ameiambia Saluti5 kuwa kwa malengo waliyojiwekea, mwaka 2013 utashuhudia mageuzi makubwa kutoka kwao.

Kwasasa wanamuziki pamoja na safu ya utawala tumeshashikana na kila mmoja ameelewa wajibu wake, mwaka uliopita ulikuwa wa kuwekana sawa na kuzoea hali ya hewa, sasa tunaanza rasmi kazi ya kuligeuza soko la muziki chini juu” alitamba Martin.

Aidha Martin amesema wamegundua mapungufu machache katika baadhi ya idara kwenye bendi yao na muda si mrefu watafanya usajili mwingine utakaotinginsha nchi.

“Tutafanya usajili wa kishindo, aidha kutoka nje ya nchi au ndani ya nchi” alisema Martin bila kufafanua.

Kwa kawaida Mashujaa Band wanapatikana Business Park Kijitonyama kila siku za Ijumaa na Jumapili, wakati kila Ahamisi wanakuwa ndani ya ukumbi wa Sun Cirro Sinza.

Via saluti5