Real Madrid 1-1 MANCHESTER United & Shakhtar Donestsk 2-2 Borossia Ortmund

MANCHESTER United wameondoka uwanja wa Santiago Barnabeu wakiwa na faida ya goli la ugenini baada ya sare ya 1-1 dhidi ya wenyeji wao Real Madrid.

United walifanikiwa kutangulia dakika ya 20 kwa bao la kichwa la Danny Welbeck kufuatia kona ya Wayne Rooney lakini dakika 10 baadae, Cristiano Ronaldo naye akajibu kwa bao la kichwa.

Welbeck akiifungia United bao

Ronaldo akisawazisha bao usiku wa jana

Ronaldo baada ya kusawazisha bao

Kipa wa United David De Gea alikuwa na kazi ya ziada kwa kuondoa michomo mingi ya Real Madrid.

Dakika ya 34 Manchester United wakakosa bao la wazi pale Danny Welbeck aliposhindwa kukunjua vizuri mguu wake kumalizia mpira wa krosi ya Robin Van Persie.

United ambao walionekana kama wamedhamiria kulinda matokeo ya sare, walifunikwa sehemu ya kiungo na kujikuta wakikaribisha mashambulizi mengi.

Hata hivyo mashambulizi machache ya United yalionekana ya hatari zaidi na almanusura yangezaa bao dakika ya 72 na 73 kupitia kwa Robin Van Persie.

Lakini nafasi tamu zaidi ya United ilikuja katika dakika ya mwisho ya muda wa nyongeza pale Robin Van Persie alipochukua mpira upande wa kushoto na kuachia kombora kali liliokolewa kwa ncha za vidole na kipa wa Real Madrid Diego Lopez na kuwa kona ambayo haikupigwa.

Wakati Van Persie akienda kupiga kona hiyo mwamuzi alipuliza kipyenga cha mwisho na kusababisha wachezaji wengi wa United kumzonga.

Ni kama wanasema tuatakutana wiki tatu zijazo

Manchester United sasa wanapewa nafasi zaidi ya kusonga hatua ya robo fainali katika mchezo wao wa marudiano wiki 3 zijazo ndani ya uwanja wa Old Trafford.

Katika mechi nyingine Shakhtar Donestsk ilitoka sare ya 2-2 Borossia  Ortmund