Zanzibar: Rais Dk Shein atoa heshima za mwisho kwa Padr Evaristus Mushi

L-R: Rais Dk Shein na Askofu Shao (picha na Ramadhan Othman, Ikulu-Zanzibar)

Rais wa Zanzibar na Mwenyekiti wa Baraza la Mapinduzi Dk Ali Mohamed Shein leo ameungana na viongozi wa dini, waumini pamoja na wananchi wenye mapenzi mema, katika kutoa salamu ya mwisho kwa mwili wa Marehemu Padre Evaristus Gabriel Mushi, kwenye Kanisa la Minara Miwili Mjini Zanzibar.

Padre Mushi aliaga dunia kwa kupigwa risasi na watu wasijuilikanwa Jumapili iliyopita wakati akielekea kuongoza misa ya kwanza ya kipindi cha Kwaresma. Mwili wake umepumzishwa leo katika Kanisa la Kitope, Kaskazini B, Unguja.

Padre Mushi alizaliwa tarehe 15 Juni 1957 mkoani Kilimanjaro, akiwa ni mtoto wa nne katika familia ya watoto sita.  Alikuwa msomi wa Shahada ya Uzamivu ya Elimu ya Ushauri nasaha aliyoipata nchini Marekani.