MWAKIFWAMBA AWAFUNGUKIA WASANII.

RAIS wa Shirikisho la Filamu Tanzania (TAFF), Simon Mwakifwamba amefunguka kuwa kama wasanii wataendelea na tabia waliyonayo kwa sasa watapukutika kama maua na itabakia miti tu.

Rais wa Shirikisho la Filamu Tanzania (TAFF), Simon Mwakifwamba.

Akichezesha taya na paparazi wetu, Mwakifwamba alisema kutokana na wasanii wengi wa filamu kuwa na tabia ya kuzungukana kimapenzi na kuwekeana ‘mabifu’ kwa sababu ya kuchukuliana wapenzi na kurogana basi kwa hali hiyo watapukutika kama maua na kubaki miti kwani magonjwa ni mengi.
 

“Yaani kama wasanii wataendelea na tabia yao hii chafu ya kuzungukana kimapenzi yaani unakuta mwanaume mmoja anakuwa na uhusiano wa kimapenzi na wasanii wa kike zaidi ya watu hali itakuwa mbaya kwani kama mmoja ana ugonjwa hatari wa Ukimwi atawamaliza wenzake wote hali ambayo itasababisha kupukutika kama maua na kubaki miti tu,” alisema.
 

Hata hivyo, Mwakifwamba aliwataka wasanii wa filamu kuachana na tabia hizo kwani hali ya dunia ni mbaya kwa sasa pia wajitambue wao ni kioo cha jamii kinachotazamwa na wengi.

Credit:GLP