KOCHA WA LIVERPOOL ASEMA HAWAKUSTAHILI KUFUNGWA

KOCHA wa Liverpool, Brendan Rodgers, amesema timu yake haikustahili kufungwa na katika mchezo wa jana dhidi ya Manchester United katika dimba la Old Trafford.

Rodgers amesema angalau wangestahili kuambulia sare na si kupoteza pointi zote 3.

“Timu yangu ilicheza vizuri hususan kipindi cha pili, najivunia kiwango kilichoonyeshwa” alisema kocha huyo .

Aidha ,Brendan Rodgers pia alisifia safu yake ya ulinzi na kusema kwamba inazidi kuimarika siku hadi siku.

Katika mchezo huo, Manchester United iliichapa Liverpool 2-1 na kuendelea kuifanya Old Trafford kuwa sehemu ngumu kwa Liverpool.

Mara ya mwisho Liverpool kuishinda United Old Trafford ni mwaka 2002 kwa bao pekee liliofungwa na Danny Murphy.